Wer ist eigentlich alles aus der Schweiz?

[sayna]

Ich staune immer wieder, wieviele Beauties aus der Schweiz sind. In Threads wie "Naturkosmetik in der Schweiz" und den mit NK im Coop City treffen wir uns ja, aber einen richtigen Schweizer Thread gibts nicht - jetzt schon

Hallo liebi Schwiizerinne!
Melded eu doch mal und verzelled woher ihr sind und wie ihr zude Beautyjunkies cho sind. Ich find mer dörfed da ruhig au eusi verschiedene Dialekt bruuche

Also, i fange mal ah:
I wohne im Kanton Züri, ganz bide Grenze zum Kanton Thurgau. Zum Forum bini gstosse, will ich öpis vo MinealKosmetik gläse ha und im Internet mal dena gsuecht ha und denn sind halt d'Beauties cho

[Nimue]

Ich chume usem Baselbiet, us de Nöchi vo Lieschtel. Aber ich zügle jetzt i de neggschte Zyt (allespötistens Mitti Oktober) uf Winti, wili jo z Züri wott aafoh studiere... Mim Dialäkt noch loht sich aber nid wirklich schliesse woni här chum, ich passe mich zimli schnäll de Lüt aa wo um mich ume sind

ich weiss gar nüm so rächt wieni do ane cho bin, ich han glaubs zerscht nach Tipps für schminki gsuecht, udn denn auch für d Hoor und für Hut, und denn bini do glandet, ich glaub sisch wäge de Hoor gsy... die sind döt zmlich kaputt und troche gsy.

[Nala]

Da isch no e Schwiizerin!
Ich wohn i de Nöchi vo Winti, i somne chline Kaff...
Go Shoppe gangi immer uf Winti oder Züri. Isch grad praktisch, willi z'Züri schaffe und id (Bruefs-)Schuel gange. Und wänni dänn uf de Zug muess warte, bütet sich's natürli grad a, i de nöchsti Lade chli go umeluege...
Blibt natürli nie nur bim Luege.

Zu de BJs bini dur Google cho..Han irgendöppis gsuecht zu Haarpfläg, glaubi.. Isch aber no laaang gange, bisi mi agmäldet han.
Und hüt wetti die Site nüme misse.

[black]

E alti Bärnerin mäudet sich z'Wort!

Uf das Forum bini dank ere Kollegin cho, sie het mir mau dr Link gschickt. U jez bini äbe sit über eim Johr meh oder weniger aktiv derbi (meischtens äbe meh als weniger )

[angelheaven]

Hoied

Ich chume us Schaffhuuse. Isch zwor e Stadt chum mir aber amel so vor we imene Dorf. Es het ke gschidi Läde und d'Stadt isch halt nöd so gross. Go shoppe goni meistens uf Winti und uf Züri. Amel goni au is Dütsche noch Singe oder Konstanz. Uf diä Siite bini cho, wel ich irgendwas über Hoore gsuecht han. Bi Google isch denn immer 'Beautyjunkies' cho und das het mich neugierig gmacht. Leider gönd mini Finanze au druf, siit ich mich do agmolde han. Aber was solls

[Nimue]

in Singe bini au mol gsy, weisch du obs döte en DM het? ich han nur en Müller gfunde.

[Marlene]

@Nimue: klar gibts einen DM in Singen. Mitten in der Fußgängerzone auf dem Weg zum C&A. Nicht zu verfehlen.

Lustig wie ihr schreibt...............

[angelheaven]

Lustig wie ihr schreibt...............

Ich war da schon mal im DM. Ich fand aber eher, dass es versteckt war. Die grosse 'DM-Schrift' war vorallem nicht sofort zu erkennen. Ups, ich schreib ja hochdeutsch.
Natürlich han ich dette grad Grossichauf gmacht. Sache sind döt so viel billiger als i de Schwiz. Ha denn grad biz gsparrt gha :-9

[Nimue]

Merci vil mol! Dann muss ich SchwieMu wohl wieder einmal besuchen gehen... die geht des öfteren nach Singen ist auch einbissl näher als Konstanz glaube ich.

[sayna]

aso wenn ich mal in D bin und denn in DM chume denn mach ich immer grossichauf!! min schatz au und mini schwöster au (mit ihre bini im juni oder so in Konstanz gsi.. )

[Nimue]

ich gang jo au mängisch z Weil am Rhein in DM, das isch grad näbe Basel über dr gränzi, aber obwohl ganz nöch isch sch scho chli müehsam, öppe zwanzg minute mitem Trämmli (vom bahnhof us) ung denn noch mindischtens 10 Minute z Fuess - oder me zahlt 2 Euro für ei Haltstell mitem Bus (mach hii und zrugg 4 Euro, udn das git scho es neus Shampoo ) wäg däm gangi nid esooo oft. Isch sones Center wie s Lago, vilicht chli chliner, udn süscht hets glaubs nid eso vil. Do het Konstanz scho e vil grösseri uswahl!

ichhan imfall vor es Paar wuche gmerkt, dass chleider nid wirklich billger sind, zum teil sogar chli tüürer (h&m). Es isch halt nüm eso wie früehner

Aber Artdeco choschtet glaubs fascht en drittel weniger... 4.80 Euro statt 9.50 Fr. Das lohnt sich scho vor allem wenn me es ganzes Palettli fülle wott.

[angelheaven]

Also wenn ich uf Singe go denn goni au go lädele. Wenn ich aber Chleider chauf, denn tue ich im Chopf scho umrechne zum luege, ob ich nid verarscht wird In Konstanz bini im Zara gsi und döt hani es Gfüehl gha, viel me z'Zahle als in ZH.

Ich wür z'ZH gern mol RICHTIG go shoppe. Ich go halt immer id Standardläde: H&M, Mango, Zara, Globus, Jelmoli. Ehrlich gseit, goht mir das immer me uf de Geist. In ZH hets sicher irgendwo so chlini herzigi Läde, wo nid bekannt sind, wos defür aber mega cooli Chleider het. Für Lüt wo dette wohned isches sicher eifacher so Läde ufzspüüre. Ich ha leider nid gnueg Ziit. Isch eigentlich schad.

[sayna]

aso wenns e züri-uskenneri git wo mal gheimtipps würd verrate... da wäri au gspanne druf!

[Nimue]

Das stimmt. Ich kenn eigentlich nur eis chleises Lädeli döte, und das isch Elvish Dreams, en Gothic Lade. Hm, und im Niederdörfli hets no ein, wos amigs chli usgfalleneri Sache het, weiss aber nüm wies heisst oder obs es no git, und denn no s Soho, döt findi au amigs tolli Sache. (es lack-kleidli im Uniformstil z.B. )

Aber wenni denn döte Studier hani sicher en hufe Zyt zum Lädeli finde

[sayna]

ui jaaa, und denn wirsch du zu eusere "zürcherin"
aso i mu ja ehrli sii, i kenn mi in zh so guet wie gar nid us! weiss au nid wieso, irgendwas isch a dere stadt woni s'gfühl ha i fändi mi nid zrecht... i kenne st.galle zum shoppe, i kenne aarau (wobi das nid speziell isch) aber züri...

[Nimue]

Wenni ehrlich sy söll, Züri isch mer scho immer chli unsympathsich gsy. Das net natürlich demit z tue, dass ich Baslere bin und d basler züri eifach nid möge, aber au süscht... Basel isch schön härzigund übersichtlich, und du findsch trotzdäm en huufe Sache, aber Züri mach mi eifach nervös, wils so gross isch, ich mag grossi Städt eifach nid so gärn

[angelheaven]

Ich ha nochemene Shopping-Trip in ZH immer Chopfweh. D'Lüt gönd mir au uf d'Nerve... Hets do Zürcher *hustkeuch*

[sayna]

aso vom kanton her bini ja schono grad zürcherin, aber das seit ja nüt zur stadt us - i bi es riiise landei

nimue - denn chönd mir eus ja zämätue. i bi würkli e riiise lusche was züri agaht. zum glück chunt mini schwee chli drus. ahja - im fall ihr i nächster ziit mal in züri sind münder unbedingt i das wc vorem kunsthuus. das wo vo usse wie verspiegled isch und vo inne gsesch usse meeega luschtig (und chosted ja im gägäsatz zude ustellig nüt!!)

[black]

I ga immer nur uf Züri für Konzert!

[angelheaven]

ahja - im fall ihr i nächster ziit mal in züri sind münder unbedingt i das wc vorem kunsthuus. das wo vo usse wie verspiegled isch und vo inne gsesch usse meeega luschtig (und chosted ja im gägäsatz zude ustellig nüt!!)

Ui, döt inne chönti nid hocke! Aber vilicht sötti doch mol go güggsle wiä das usgseht...

[sayna]

ghocked bini au nid...bi mit minere schwee öpe 10 minute dine gsi und hend eus so kaputtglached. aso deet mis gschäftli verrichte chönti au nid, da muss mer doch scho exibitionistisch veralagt sii!
du hesch immer gsfühl die lüt lueged dich a wo verbiilaufed, aber du weisch eigentli ganz genau das mer nid inegseht...

das isch würkli super amüsant!

[Nimue]

Ichgang au oft z züri in Usgang, sichhalt praktisch wils so nöch ischzu mim Fründ und d Verbindige meischtens sehr guet sind. Wenni Z basel in Usgang gang gohts eeewigs bisi diheime bin, und es het au nid sone uswahl...

Ichha ghört dasses wäg däm WC scho es paar mol faschtunfäll geh het wils d autifahrer irritiert...

[angelheaven]

ghocked bini au nid...bi mit minere schwee öpe 10 minute dine gsi und hend eus so kaputtglached. aso deet mis gschäftli verrichte chönti au nid, da muss mer doch scho exibitionistisch veralagt sii!
du hesch immer gsfühl die lüt lueged dich a wo verbiilaufed, aber du weisch eigentli ganz genau das mer nid inegseht...

das isch würkli super amüsant!

Wa mega lustig wär, isch so voreme WC z'stoh wo bsetzt isch und so tue, als wür me dPerson aluege. Haaha, da moni glaub mache

[sayna]

ja das mached alli das isch sooo luschtig..musch würkli unbedingt mal gah... d'usstellig im kunsthuus lohnt sich nid würkli aber das wc isch de

[jacqui]

hallo zämä
bi o nä schwizerin, chumä usem kanton bärn
bi haut nid so aktiv im forum, aber guäti idee mit däm thread

[angelheaven]

Z'Basel chame schiins mega guet lädele? Stimmt da? Ich ha sowieso zwenig Städt gseh i de Schwiiz. Bi mol nu churz durch Luzern gloffe oder besser gseit gwanderet mit de Schuel, denn bini no in Bern gsi da Johr aber nu zum e Botschaft sueche (halt wieder für dSchuel). Durch Montreux bini au mol gloffe (au schulisch). Leider hani vo dene Städt nid würklich öppis gseh. Jo da wärs eigentlich scho. Da isch doch mager oder?

[Dolcissima]

Guäts Mörgeli mitenand.

ich chumme usem Thurgau ganz nach bi dr dütschä Gränzä. Go pöschtälä gang i gärn uf Konschtanz aber au mal uf Winti.
Näbäbii bin i ä richtigä Houmschopping-Friik.
A kosmetik benütz ich Chrischtinä Kaufmann, Maiäfelser und d`Seifä fu Olivia.
Ufs Forum bini gschtossä welli öppis fu dr Chrischtinä gsuächt ha.

Etz wünsch ich üüch ä guäti Ziit.

[Nimue]

Dolcissima: kennsch du Eschenz? döt wohnet mini Schwigereltere

angelheaven: als ich find scho dass me gut chan pöstele z Basel. Abe ebe, wenn me jede tag döt verbringt, wirds scho chli langwiilig. Und en Müller hämmer au nid...

[Chamäleon]

Wohne in Äbike, grad näbe Luzern Wörd aber vööööööu lieber DIRÄKT in Luzern wohne

[Dolcissima]

Dolcissima: kennsch du Eschenz? döt wohnet mini Schwigereltere

angelheaven: als ich find scho dass me gut chan pöstele z Basel. Abe ebe, wenn me jede tag döt verbringt, wirds scho chli langwiilig. Und en Müller hämmer au nid...

Nimue Eschenz isch zäh minutä vo mir wägg

[Nimue]

hihi, vilicht simmer uns jo sogar scho übere wäg gloffa? Oder ich kenn öpper wo öpper kennt wo dich kennt (mini ganzi WG stammt eigentlich usem Thurgäu us dere gegend... glaubi ämel.)

[Wilma]

Liebe Schweizer Mädels,Ihr seid hab den Eindruck im Theater zu sein

[Chamäleon]

Liebe Schweizer Mädels,Ihr seid hab den Eindruck im Theater zu sein

Bitte? Weswegen Theater? *lol*

[Wilma]

Na ja,für Knochentrockenhochdeutschsprechende ist Euer Dialekt schon sehr

[Dolcissima]

hihi, vilicht simmer uns jo sogar scho übere wäg gloffa? Oder ich kenn öpper wo öpper kennt wo dich kennt (mini ganzi WG stammt eigentlich usem Thurgäu us dere gegend... glaubi ämel.)

Da kunntmer ds`Sinn das ich ä Nichtä han wo i dinärä Gägänd innärä Wege läbt,nei stimmt nöd gläbt hät. Das wird doch nüd öppä...........

[Dolcissima]

Liebe Schweizer Mädels,Ihr seid hab den Eindruck im Theater zu sein

Wilma so simmär halt

[Nimue]

Also, mit "mini WG" meini die z WInti, wo jetzt jo offiziell mini isch, wili jetzt scho mieti zahl, obwohl i noni wirklich döt wohn. Und es sind fascht alles Männer woni usem Thurgau kenn... Halt mim Fründ sini kollege...


Näää im Theater schwätzt me Bühnedütsch :-P

(a Propos Norddeutsch, mir wurde gesagt dass ich nen leichten Norddeutschen Akzent habe wenn ich deutsch spreche wo ich den aufgegabelt habe ist mri ein Rätsel! )

[Dolcissima]

Ähm da hani etz öppis falsch verstandä, ha gmeint richtig Bärn, du wonsch dött.

[sayna]

nei nimue chunt doch vo basel ide nächi und zügled ez i eusi richtig dolci - nämli uf winti!
du nimue - i kenne au viel vom thurgau

[driana]

Hallo
Bi o us der schwiiz um genau zi bini usem Kanton Friburg und nei ig bi nid stouz druf dört z wohne aber baud tue ig Bern erobere! dört cha mä o veu besser lädälä